Sa pagsinapol sang Liga nga mga Barangay sa Bacolod gintagaan sang atensyon ang pagpalapad sang clean-up drive asta sa mga subdivision agud man mapahagan hagan ang pagsaka sang dengue cases sa siudad.
As of July 30, may 491 dengue cases sa Bacolod, siyam diri ang napatay base sa record sang Bacolod City Epidemiological Surveillance Unit.
Suno kay Liga ng mga Barangay President Punong Barangay Lady Gles Gonzales-Pallen, madayon man ukon indi ang barangay kag sangguniang kabataan elections dapat tagaan atensyon sang mga kasubong niya nga barangay official ang kaso sang dengue, pati na karon ang kabalaka dala sang pagsaka sang covid 19 cases kag ang kaso sang monkey pox.
Magluwas sa mga rekorida, fogging operation kag iban pa nga tikang kontra dengue, ginhaylo man si Gonzales-Pallen ang katapo sang liga nga padayon ang hugot nga pagsunod sa minimum health protocol ilabi na nga nagsugod na ang pagbalik sang in-person classes sa mga eskwelahan.