Lider sang rebelde kag iban pa pasakaan sang kaso nga murder angut sa pagpamatay sa pamilya Fausto.
Nakuha na sang katapo sang Himamaylan City Police ang judicial affidavits sang duha ka mga nagatindog saksi sa pagpamatay sang katapo sang pamilya Fausto sa Barangay Buenavista siudad sang Himamaylan.
Gani ginapadasig na sang kapulisan ang tikang para mapasaka ang kaso nga murder batuk sanday Fernando Hermino, ginatudlo squad lider sang New People’s Army nga gina alegar responsable sa pagpatay sa mag- asawa nga Rolly kag Emilda Fausto kag sang ila duha ka menor de edad nga kabataan.
Plano karon sang PNP nga mapaidalom sa witness protection program ang mga saksi.
Pero sa press conference sang katapo sang Human Rights Advocates Negros nag gwa sa ila national solidarity mission nga ang militar amo ang may kahilabtanan indi lang sa natabo nga pagpatay sa katapo sang Pamilya Fausto kundi sa iban pa nga katapo sang labor kag workers organization.