Shadow

Lider sang Epogon robbery group nga nakapalagyo sa NODJ nadakpan sa Binalbagan

Binalbagan PNP photo

Tigayon na nga nadakpan kaina sang aga si Francisco Epogon, isa sa lima ka mga nakapalagyo nga inmate sa Negros Occidental District Jail sadtong Hunyo 29.

Si Epogon ang nadakpan kaina sang kaagahon sa nabukid nga bahin sa Sitio Nabilog sa Barangay Amontay sa Banwa sang Binalbagan kun sa diin siya nagpanago suno sa spokesperson sang BJMP nga si Atty Jairus Dogelio.

Ang nadakpan nga si Francisco Epogon ang isa sa mga lider sang Epogon Group suno kay Dogelio.

Si Alejandro Montoya na lang amo karon ang gina pangita sang mga otoridad matapos madakpan na ang apat ka mga nakapalagyo nga inmates kag duha sa apat nga nadakpan ang napatay man sa operation.

Secured By miniOrangeSecured By miniOrange