Indi magnubo sa P2,000 pesos ang charging fee sang pila ka mga driving school para sa theoretical driving course nga kabahin sa mga requirement sang pagkuha sang driver’s license.
Gani agud nga mabuligan ang mga aplikante ginlunsar sang Land Transportation Office ang libre nga simultaneous theoretical driving course seminar.
Sa Victorias City, 200 ang natagaan sang kahigayunan para sa 15-hour seminar sa Mayo 11 tubtob 12 sa Victorias City Sports and Amusement Center.
200 man ang pwede nga maka libre sa seminar sang LTO Driver’s Education Center sa Bacolod City sa Mayo 15 tubtob 16.
Kinahanglan ang pre-registration sa City Administrator’s Office. Kabahin sa mga requirements ang birth certificate kag government ID. Kinahanglan man mag secure sang Client ID Number halin sa LTO LTMS Public Portal.
Ang 2-day seminar ang may kaangtanan sa pagdumdom sang 111th founding anniversary sang LTO.