May kapin sa 1,000 nga kasapatan ang target nga ma kapon sa Bacolod.
Suno sa kay Dr. Jec Cabuguason, ang assistant City Veterinarian sang Bacolod, nagapadayon ang libre nga kapon nga programa sang siudad.
Dugang pa ni Cabuguason, bwas, Miyerkules, yara sa sa Barangay Singcang-Airport kag Villamonte ang City Vet para sa libre kapon kag ginapangabay niya ang partisipasyon sang mga pet owners sa sini nga mga lugar.
Ini bilang preparasyon man sa isa ka dako nga event nga pagahiwaton sa Oktubre 1, 2025, halin 9:00 AM tubtob 6:00 PM sa Robinsons Place Bacolod.
Bukas ini sa tanan nga pet owners sa siyudad sang Bacolod, kag gina target nga maka-serbisyo sa 150 tubtob 200 ka ido kag kuring sa amo nga adlaw.
Suno pa sa iya, paagi sa Oktubre 1 nga event, malab-ot na nila ang ila annual target nga 1,000 ka kasapatan nga nabakunahan kag na-kapon para sa tuig 2025.
Ang kapon nga programa nagatuyo nga makabulig sa population control, pagpaayo sang health condition sang mga kasapatan, kag pagpabakod sang animal welfare sa siyudad.
[sibwp_form id=1]