Liwat nga ginpangkakas sang Bacolod City Legal Office Enforcement Team ang mga extension sang mga stall sa sulod kag sa gwa sang Libertad Public Market.
Sa sulod sang amo nga merkado, gin pangkumpiska sang enforcement team ang mga lamesa sang mga baligyaan bangud nagasablag na ini sa alagyan sang mga manugbakal.
Ginsiling ni Enforcement Team Leader Levy Pangue nga daw indi na makapatuman sang flushing activity ang siudad bangud sa tuman ka gutok sa sulod sang merkado.
Dugang pa niya, 15 na ka beses sini nga tuig ila gin pang kumpiska ang mga extension nga lamesa, apang ginabalik ini sa gihapon sang mga vendors.
Samtang, liwat naman nga gin panghawanan ang gwa sang merkado ilabi na sa Amelia Street kun sa diin nagalabay ang mga depsahero nga salakyan.
Ini bangud nga may mga porsyon sang mga baligyaan nga nagasablag na mismo sa dalan.
Matapos ang operasyon, liwat naman nga nagpangabay ang CLO sa mga vendors nga mag kooperar sa mga tikang sang siudad agud mapabilin ang katinlo sang merkado.
[sibwp_form id=1]