Gindakop kagab-i sang kapulisan sa Toboso ang 54 anyos nga si Eddie Gumban nga suspek sa natabo nga hit and run kagab-i sa proper San Isidro sa Toboso.
Siya ang driver nga na assign sa vice mayors office suno sa PNP.
Si Police Lieutenant Kenneth Magan, hepe sang Toboso PNP nagsiling nga si Gumban ang may na sideswipe nga tricycle nga nag resulta sang pagkasamad sang isa ka pasahero.
Gin palagyuhan lang ini ni Gumban gani siya ang ginlagas sang mga pulis.
Sang lapit na sila sa salakyan sang suspek, nag taya suno kay Magan si Gumban sang iya pusil sa kapulisan. Gani ini ang nag tulod man sa isa ka pulis nga tiruhon ang goma sang salakyan sang suspek.
Tuman ka hubog si Gumban suno sa pulis sang ila ini ma dakop sa sulod sang iya salakyan.
Na recover sa suspek ang isa ka .45 caliber pistol nga loaded sang bala.
Detained karon sa Toboso PNP ang LGU employee kag kaso nga paglapas sa RA 10591 kasubong reckless imprudence resulting to physical injury jag damage to property ang ipasaka batuk sa iya.