Napadal-an na sang summon sang Barangay Vista Alegre ang tatlo sa mga pamatan-on nga lalaki nga ginreklamu sang LGBTQ rider nga ila ginpainom sang tubig halin sa sapa nga may naga tubog nga carabao.
Natabo ang pagpangsasko sang mga naga lantaw sa biker nga nagdaug sa bike race sang Oktubre 2.
Suno kay Punong Barangay Leandro De Leon, nagfile sang reklamo ang biker gani ginapaabot ang ila pag atubangay upod sa mga nangsasko sa Lunes sang aga sa barangay hall.
Magluwas sa hearing sa barangay, ginpatawag man sang konseho sang siudad ang mga natungdan upod sa mga opisyal sang nagkalain-lain nga department para sa committee conference in aid of legislation.
Luyag ni Councilor Claudio Puentevella,pamuno sang Committee on Health and Sanitation nga makadihon sang mga pagsulundan kag tikang batuk sa mga kasubong nga prank ilabi na karon nga may kahangawa nga tuga sang Cholera kag iban pa nga water born diseases sa siudad.