Bacolod City Health Office ang naka record sang 92 ka kaso sang leptospirosis kag 10 naman ang probable deaths.
Ini base sa record sang City Health Office humalin Enero 2025 tubtob Enero 3, 2026.
Kun ipaangid sa kasubong nga tion sang nagligad nga tuig, nagsaka ini sa 170.6 percent nga may 8 deaths.
Ang Barangay Handumanan, Singcang-Airport kag Sum-ag ang may pinakamataas nga na rekord nga kaso – tig pito.
Ang Brgy. Banago may 6 ka kaso. Kag ang Brgy. Alijis, Granada, Mansilingan, Tangub kag Villamonte ang may yara sang tig 5 ka ka kaso.
Ang Brgy. Taculing naman may 4 ka kaso.
Ang Leptospirosis ang balatian nga dala sang bacteria nga Leptospira. Masami ini makuha halin sa ihi sang sapat, ilabi na sang ilaga, nga na impon sa tubig-baha.
Mahimo ini magsulod sa lawas sang tawo paagi sa pilas sa panit, ukon sa mata, ilong, kag baba kon makainum sang kontaminado nga tubig.
Nagapahanumdom ang mga health authorities nga kon ikaw nakasawsaw ukon nakaubog sa baha, magpakonsulta gilayon sa doctor ukon sa pinakamalapit nga Health Center para mahatagan sang prophylaxis ukon bulong nga Doxycycline agud malikawan ang komplikasyon.*
[sibwp_form id=1]