Patay ang 26-anyos taga Bacolod kag isa ka collector sang lending company matapos nga gintiro sang wala pa makilala nga suspek sa Hacienda Paje, Brgy. Consing banwa sang EB Magalona Lunes sang hapon.
Suno sa hepe sang EB Magalona PNP nga si Police Major Kenneth Jay Gratones, ila nga ginalantaw nga posible biktima sang robbery hold up si Jan Edriann De Leon, bangud sa gina-alegar nga may nadula nga kwarta kag nagbato pa ang biktima.
Dugang pa sang pulis, kada Lunes naga panukot sa lugar ang biktima
Naga sakay siya sa iya nga motorsiklo sang gintiro sang duha ka mga suspek sa ulo kag likod nga gin halinan sang iya kamatayon.
Sa karon nagapadayon pa ang imbestigasyon sang kapulisan sa nagluntad nga insidente.