Nagapanglakaton lang sa kilid tubohan sang iya tubohan sa Barangay Malasibog sa Escalante City kahapon ang 54 anyos nga mangunguma nga si Antonio Arellano sang hinali na lang siya tiruhon sang isa ka gunman nga may upod pa nga tatlo ka persona nga nag serbe nga lookout.
Gilayon nag palagyo ang mga suspek matapos sang pag paniro sa nabukid nga bahin sang Barangay. Nag agum sang multiple gunshot wounds ang biktima nga iya gin kamatay.
Si Arellano ang chairman sang Paghiliusa sa Mangunguma sa Escalante City nga isa ka peasant group organization sa idalom sang National Federation of Sugar Workers.
Suno kay Police Major Gil John Despi, posible may kaangtanan sa iya bilang leader sang grupo ang pag patay sa biktima. Magluwas nga leader sang farmers group, si Arellano ang casual employee man sang Escalante kag siya ang isa ka watchman sa City Hall.