May nag ako na nga tag-iya sang duha ka 9mm nga bala nga nakit-an sa hagdanan sang Food Terminal Market sang Negros Occidental.
Ini suno kay Renelo Lastierre nga pamuno sang Security and Safety Division sang probinsya.
Mismo sang Hulyo 3, ang adlaw nga nakit-an ang mga bala, nag gwa ang natungdan nga katapo sang military community.
Suno kay Lastierre gina pangita sang natungdan ang mga bala nga aksidente niya nawigit.
Ginsugo siya sadto nga magbakal sang amo nga mga bala.
Nagpadala na sang report si Lastierre tuhoy sa amo nga pagpangusisa kag nakibot lamang sya nga nag gwa nga report sa media nga isa sa mga anggulo nga gina lantaw man amo nga mahimo may threat ukon pagpamahog labi na natabo yadto sang tion sang renewal sang mga contract sang JO kag contract of service.
Kun may pagduda man sa ila imbestigasyon suno kay lastierre sarang maka patuman sang pagpangusisa sa natungdan nga persona.
Gintuad man ni Lastierrer nga pila ka adlaw matapos ang hitabo ginkakas gikan sa iya nga supervision ang mga blue guards, gin-recall ang iya armas kasubong man mga salakyan nga na assign sa iya nga talatapan.
Pasalig ni Lastierre nga maga pabilin sila sa pag pangalagad.