
Isa ka siyam ka bulan nga lapsag nga naga tenir sa evacuation center sa La Castellana ang napatay sa ospital bangud sang septic shock dala sang community acquired pneumonia.
Suno kay Dr Girlie Pinongan ang Provincial Health Officer, ang siyam ka bulan nga lapsag nga lalaki ang gikan sa Brgy Cabagnaan.
Lima ka adlaw antes sila gin-refer sa ospital naga ubo kag may pag hilanat ang lapsag.
Nag pa konsulta ini sa pribado kag ginhatagan sang antibiotic suno sa PHO.
Sang ma check sang Municipal Health Officer isa ka oras antes gin-refer sa Ignacio Arroyo Memorial District Hospital sadtong Enero 25, severely dehydrated na ang pasyente.
Suno kay Pinongan sa amo man nga adlaw na patay ang lapsag sa ospital.
Gina patigayon na ang imbestigasyon sa karon suno sa PHO.
Humalin pa sang paglupok sang bulkan sang Disyembre yara na sila sa evacuation center suno kay Pinongan.
Ini ang ika duha na nga kaso sang lapsag nga napatay gikan sa evacuation center sa La Castellana.
Sang Disyembre napatay man ang isa ka 9 ka bulan nga lapsag nga nagbatayag sang gastroenteritis kag dehydration.
Gina kabig yadto nga isolated case.
Ginsiling naman ni Provincial Administrator Rayfrando Diaz nga on top of the situation ang PHO kag maid-id nila nga gina monitor ang sitwasyon
sa mga evacuation center.
“Amo to findings nila, may pneumonia. A day prior siya
gindala, daw nag LBM. (So second death na na siya?) oo. Pero gin pa
investigate naman namon kun ano”, suno kay Pinongan.