Magalawig sang karbaw ang isa ka mangunguma sang iya makit-an ang bag-ong bun-ag nga lapsag nga ginbilin sa kilid sang suba sa Barangay Tabunan, syudad sang Bago, Lunes sang aga, Hulyo 28.
Wala sang bayo kag ginakagat sang mga subay ang lalaki nga lapsag sang siya ang makit-an.
Gindala ang baby boy sa barangay antes siya gin-turn over sa Crisis Center sang Bago City Social Welfare and Development Office, kun diin siya temporaryo nga ginatatap.
Kahapon, Miyerkules, gindala sa City Health Office ang lapsag para sa iya immunization.
Ginatawag nga “Moises” sang mga personnel sang Crisis Center ang lapsag bangud siya ang nakit-an sa suba.
Suno kay Bago City Mayor Marina Javellana-Yao, magasapol siya sa CSWDO kun ano ang mga tikang nga dapat himuon sa lapsag.
Nagpasiguro ang alkade nga may pasilidad kag personnel ang Crisis Center agud temporaryo nga mag-atipan kay baby Moises.
Ang CHO ang magahatag man sang tanan nga check-up kag immunization sang lapsag.
