Iligal nga droga ang isa karon sa gina tan-aw sang Police Station 8 nga motibo sa pag patay sa negosyante nga si Jerry Gasendo sang Miyerkules sa dalan Araneta sa Barangay Tangub sa Bacolod.
Naga drive lang sang iya motor si Gasendo sang siya ang gintiro sang riding in tandem.
Suno kay Major Joery Puerto, hepe sang Police Station 8, si Gasendo ang gintudlo nga source sang iligal nga droga sang suspek nga naaresto sa buybust operation nagligad nga semana sa Barangay Taculing. Gani lansihanay sa iligal nga droga ukon wala mabayaran nga shabu amo karon ang ginatan-aw sang PNP nga motibo sa pag patay kay Gasendo.
Padayon pa ang followup operation sang PNP agud matumod ang mga suspek sa pag patay kay Gasendo.