Shadow

Lalaki patay sang mabungguan sang truck; 7 naman pilason sang mahulog ang truck sa pil-as

Patay ang 46 anyos nga driver sang truck nga si Ernie Alegia matapos ini maabantehan sang iya mismo gina maneho nga truck sa Purok Sabes sa Brgy Villamonte sa Bacolod.

Sa imbestigasyon sang PNP, maga unload kuntani sang iya karga nga balas ang driver sang hinali mag abante ang truck.

Gindalagan ini ni Alegia para kuntani iya punggan apang na ipit siya sang mag rekta ang truck sa pader nga may mga naga nilabaw nga kabilya. Dead on the spot si Alegia.

Samtang, pilason naman ang pito ka persona nga sakay sa truck gikan sa Bacolod City matapos ini mahulog sa pil-as kahapon sa Barangay Barangay Igmaya-an, banwa sang Don Salvador Benedicto.

Suno sa PNP, samtang naga dalagan ang truck nga kargado sang bombay, nag puswak ang iya sini brake gani nadulaan sang kontrol ang drayber.

Una pa ini nag bunggo sa railings antes nga nag rekta hulog sa pil-as nga may kapin sa 25 metros ang kadalumon.

Nag agum sang malubha nga pilas ang driver lakip na ang duha pa ka pasahero.

Minor injuries naman ang naagum sang apat pa ka pasahero.

Lunsay mga bolantero ang sakay sang truck kag apat sa ila ang gikan pa Mindoro. Padayon sila nga gina bulong sa ospital.

Secured By miniOrangeSecured By miniOrange