Patay sa pagpaniro sang mga armado nga suspek ang 27-anyos nga lalaki, samtang pilason ang isa ka teenager nga babaye matapos masalabat sang bala sa Sitio Sinuwayan, Barangay Camalandaan sa Cauayan.
Naggwa sa imbestigasyon sang Cauayan PNP nga nagtambong sa birthday celebration ang lalaki kag nag-inom-inom upod ang mga himata sang celebrant.
Bangud sang kahulugbon, nagdesisyon ang biktima nga didto na lamang matulog.
Pagkaligad sang pila ka minutos, may duha ka mga persona nga nag-abot kag ginmanduan ang biktima nga mag-gwa sa balay.
Sang yara na sa pwertahan ang biktima, siya ang gintiro sang makapila ka beses sang mga suspek.
Ang 19-anyos nga himata sang celebrant nga nagatindog sa alagyan ang nasalabat sang bala sa iya nawala nga butkon.
Narekober sa crime scene ang lima ka fired cartridge cases sang 5.56 mm kag isa ka fired cartridge case sang 7.62 mm.
Ang pilason nga teenager ang gindala sa ospital.
[sibwp_form id=1]