Lalaki patay sa pagpaniro sa barangay Tangub sa Bacolod. Shabu na recover sa crime scene.
Patay sa pagpaniro si Christopher Zuñiga nga nagasakay sa motorsiklo, las 11 sang gab-i sang Sabado, sa Araneta Street sakop sang Brgy. Tangub sa Bacolod.
Base sa report sang Bacolod City Police Station 8, gintiro sang wala pa makilala nga suspetsado ang biktima kag gilayon nga nagpalagyo.
Nag angkon sang igo sang bala sa nagkalain-lain nga parte sang iya lawas ang biktima nga gintunaan sang iya kamatayon.
Nakuha sa crime scene ang apat ka sachet sang suspected shabu kag 500 pesos. Padayon ang imbestigasyon sang Police Station 8 sa kaso.