Gintabangan ang misi sang 31 nga si Mark Christian Luceño matapos niya mahibaluan nga iya mister ang gin tiro kaina sang udto sa Purok Adarna sa Barangay 16 sa Bacolod.
Suno kay Major Ramel Sarona, hepe sang Police Station 1, naga pungko lang sa trisikad ang biktima sang hinali na lang siya nga ginpaalpitan sang suspek nga sakay sa motorsiklo kag gin tiro sa ulo.
Dead on the spot si Luceño. Suno kay Sarona, na preso na sadto ang biktima bangud sa pag pangawat kag iligal nga droga. Isa ini sa ila ginatan-aw karon nga motibo sa pag patay sa iya.
Apang suno naman sa himata sang biktima, si Luceño ang nagbag-o na kag nag untat na sa iya mga iligal nga buluhaton.
Naga panawagan naman ang iloy ni Luceno nga kun tani mag sungka sa otoridad ang may kahimuan sa pag patay sa iya para ma angkon nila ang husrisya.”
Nagapadayon sa karon ang imbestigasyon sang PNP para makilal-an ang gunman.