Patay ang isa ka 59-anyos nga isa ka truck owner matapos gintiro sang wala makilal-an nga suspek sa Secondary National Highway, Barangay Dolis, Calatrava, Miyerklues sang hapon.
Sa imbestigasyon sang Calatrava PNP, nagatindog ang biktima nga si si Danelson Amolo Sr., sa kilid sang iya truck kag naga-supervise sang pagkarga sang kahoy sang ini ang ginpaarakan tiro sang wala nakilala nga suspek.
Nadala pa sa ospital sa banwa ang biktima apang gindeklarar nga dead on arrival.
Nakuha sa crime scene ang anum ka fired cartridges sag caliber .45, tsinelas nga gina-alegar iya sang suspek kag tsinelas man sang biktima.
Padayon ang imbestigasyon sang PNP para makilala ang suspek.