Patay ang isa ka lalaki matapos nga gintapungol sa Purok Matinumanon, Barangay Galicia, banwa sang Ilog, Miyekules sang kaagahon.
Ginkilala ang biktima sa kay Govanie Felicidario, 53, pumuluyo sang amo nga lugar samtang ang suspek ang ginkilala kay Jose Warren Cordova.
Sa record sang Ilog PNP, upod nga naga inom-inom ang duha sang nagluntad ang indi pag-intiendihanay sa tunga sang mga ini.
Gintapungol sang suspek ang biktima nga naigo sa sag-ang kag ini ang natumba.
Pagpauli sa balay sang biktima, naghingyo ini nga dal-on sa ospital sa ciudad sang Kabankalan bangud nagalain ang iya nga pamatyag.
Gindeklarar nga dead on arrival si Felicidario sa ospital samtang yara sa kustodiya sang kapulisan ang suspek kag ginpasakaan na sang kaso nga homicide.