Ginbawian sang kabuhi ang isa ka helper sang siya ang mapilpilan sang traktora sa dalan nga sakop sang Barangay Vista Alegre sa banwa sang Ilog, kaina sang aga.
Gindala naman sa ospital ang 25-anyos nga driver sang traktora.
Suno kay Police Major Randy Babor, hepe sang Ilog PNP, may ginlikawan ang traktora kag nagtakilid ang ginaguyod niya nga trailer nga may harvester.
Rason nga nadulaan ini sang balanse kag natumba sa higad sang dalan.
Tatlo ang sakay sang nasambit nga traktora, lakip na ang driver, ang napatay nga helper kag isa pa gid ka 63 anyos nga opisyal sang Mambugsay Diversified Farmers Association.
Nagapakadto sa Kabankalan City ang nasambit nga traktora sang nagluntad ang insidente.
