Motorcycle rider patay matapos makabunggo ang iya motorsiklo sa Ceres bus.
Patay si Hernan Panaligan, 41-anyos, isa ka delivery boy matapos makabunggo ang gina dala nga motoriklo sa Ceres bus sa national highway sang Barangay To-oy sa Himamaylan City Domingo sang hapon.
Ang Ceres bus ang gina maneho ni Julian Jenon, 48-anyos.
Suno kay Police Lieutenant Colonel Anthony Grande, hepe sang Himamaylan PNP, gikan sur padulong sa norte ang direksyon sang bus samtang naga sugata naman si Panaligan.
Dugang pa sang pulis, posible nga gin agaw sang motor ang lane sang bus gani nabunggo siya diri.
Naga gwa man sa imbestigasyon sang Himamaylan PNP nga madasig ang dalagan sang motorsiklo.
Pilas sa ulo ang naangkon ni Panaligan nga amo nangin kabangdanan sang iya kamatayon samtang ang bus driver temporaryo nga gin-detain sa custodial facility sang Himamaylan PNP.