Patay ang 37 anyos nga si John Galagate matapos siya labuon kag bun-on sang duha ka mag utod sabado sang gab-i sa Barangay E. Lopez sa siudad sang Silay.
Sa imbestigasyon sang PNP, naga papuli na ang biktima kag naga panglakaton sa dalan sang gulpi lang magwa sa tubuhan ang mag utod nga Ronald kag Ronilo panaguiton kag gin banggan si Galagate.
Ila na lang gilayon gin buno kag ginlabo ang biktima nga nag resulta sang iya gilayon nga kamatayon.
Na recover sa crime scene ang isa ka patalom. Gina hibalo pa karon sang pnp ang motibo sang mga nakapalagyo nga suspetsado.