Patay ang biktima nga si Mark Juesta matapos tiruhon sang riding in tandem kagab-i sa dalan Palanca sakop sang Barangay 10 sa Bacolod.
Suno kay Captain Paul Vincent Pendon, naga pondo lang sa madulom nga bahin sang dalan ang biktima sang hinali na lang siya tiruhon sang wala makilal-an nga mga suspek.
Duguon na sang makita sang mga residente si Juesta.
Nakuha sa crime scene ang isa ka fired cartridge kag isa ka bala pati na ang calibre 45 nga armas sang biktima.
Suno kay Pendon, ila pa ginahibalo ang background ni Juesta kag wala pa sila sa karon sang may gina tan aw nga motibo sa pagpatay sa iya.