Ginahulat karon sang PNP nga magtuad sa pulis ang suspek nga si Genesis Villaruz kun ano natabo ngaa iya ginpatay ang iya man lang abyan nga si Vincent Flores sang kagab-i sa Barangay Dancalan sa banwa sang Ilog.
Suno sa hepe sang Ilog PNP nga si Police Captain Mark Joeil Reclamado, nga upod pa nga nag inom ang suspek kag ang biktima kagab-i.
Dungan man sila duha nga nag lakat para kun tani magbakal pa sang dugang nga whiskey agud ila imnon.
Pero samtang nagalakat, suno sa pulis gilayon na lang nag kuha sang bato si Villaruz kag iya ini ginlampus sang pila ka beses kay Flores.
Dead on arrival sa ospital si Flores.
Suno kay Reclamado posible may gin awayan ang duha kabangdanan ngaa gin lampusan sang suspek si Flores nga iya ginkamatay.
Mismo si Villariz amo man ang nag surrender sa PNP pero wala pa siya maka sugid suno kay Reclamado kun ngaa iya gin himo ang krimen.