Shadow

Lalaki patay matapos gina alegar nalukpan sang fire extinguisher

Sa Barangay 39 sa Bacolod City, isa ka lalaki ang patay matapos gina alegar nalukpan sang fire extinguisher.

Gin respondehan sang mga bombero, pulis kag rescuers ang isa ka kwarto sa isa ka baligyaan sang fire extinguisher sa Lizares Street kaina sang udto.

Sa mga litrato sang rescuers, makita nga nagkala utod ang tiil sang biktima kag patay na sang ila nga maabtan.

May mga fire extinguishers sa iya nga palibot. Naga pugati sa dry chemical nga unod sang extinguisher ang lugar.

Suno sa kay Chief Insp. Rodel Legaspi, city fire marshall sang Bacolod, sa ila inisyal nga impormasyon nga nabaton, may mga naka bati sang paglupok sa lugar pero padayon pa ang ila gina himo nga imbestigasyon. Wala naman sang iban pa nga nasamaran sa insidente.

Leave a Reply

Your email address will not be published. Required fields are marked *

Secured By miniOrangeSecured By miniOrange