Padayon pa nga naga hulat ang Police Station 6 sa karon sa pamilya sang lalaki nga nasapwan sang Biyernes nga naga lutaw sa suba sa Barangay Taculing sa Bacolod.
Suno kay Major Leo Estopa, mabudlay na nga kilalahon ang biktima nga posible nalumos bangud sa yara na ini sa advance state of decomposition. Posible man suno sa iya nga gikan ini sa lain nga lugar kag gin anod lang sa suba sa Taculing.
Ang iya bangkay ang may tattoo nga ngalan boyet sa dughan kag tribal nga tatoo sa iya butkon.
Naga hulat pa ang PNP nga may mag claim sang bangkay tubtob karon.