Taga Bacolod ang nasapwan nga bangkay sang nagligad nga semana sa Hacienda Canla-on 1, Barangay Sag-ang, sa banwa sang La Castellana.
Suno kay Police Major Melchor Patna-an, hepe sang La Castellana PNP, ang amay sang nasapwan ang nagkilala sa bangkay pinaagi sa tattoo sang biktima. Siya si Melvin Sederio, 28-anyos, sang Barangay Estefania, Bacolod City.
Suno sa PNP, ginsiling sang amay, nga humalin sang nagligad nga tuig, talagsa na lang nagapauli si Sederio bangud nagapangita siya ang ubra.
Sa karun gina usisa pa sang PNP ang background sang biktima.
Samtang nakilala naman ang isa pa ka bangkay nga nasapwan sa Brgy. Concepcion sa Talisay City sang nagligad nga semana.
Ginkilala ang bangkay nga si Rodrigo Villaceran Jr., alias Kokoy sang Barangay Tabao, San Enrique.
Una na nga nakilala ang bangkay ni Mars Relles alias DoDoy.
Ginkilala sang pamilya ni alias Kokoy ang iya nga bangkay.