Positibo nga ginkilala sang iya iloy ang lalaki nga nasapwan patay sa Bangga Adam, Barangay Pahanocoy sa Bacolod City kahapon Huwebes, Marso 5.
Ginkilala ang biktima kay alyas “Welthon”, 32-anyos kag residente sang Barangay Tangub sa Bacolod.
Nakit-an sang mga naglabay nga driver sa Bangga Adam ang biktima nga nagahapa, may mga pilas sa pa-a, liog kag ulo.
Ginsiling ni Police Captain Sherwin Galupar, hepe sang Station 8 nga ila pa ginahulat ang resulta sang examination sang SOCO kag autopsy report agud mapat-ud kung ano ang mga samad nga naangkon sang biktima kag ang kabangdanan sang iya kamatayon.*
[sibwp_form id=1]