Kuha ang CCTV footage sa may dalan pasulod sa Panaad Park and Stadium sa Barangay Alijis kahapon sang aga.
Makita nga nag pondo ang isa ka tricycle nga gina dala sang isa ka lalaki samtang may karga nga pasahero nga bata.
Nanaog ang driver sang tricycle kag ginkuti ang kuntador sang tubig nga nahamtang lang sa sidewalk.
May mga naga labay pa sa dalan nga wala maka depara nga naga pangawat siya.
Mga isa lang ka minuto, nakuha niya na ang kuntador kag ginkarga sa tricycle katupad sang bata.
Gilayon siya nga nag sakay sa tricycle kag nag palagyo.
Suno kay Arlene Deocadez mga las 8:35 sang aga natabo ang pagpangawat. Nahalitan ang ila nga store kun sa diin naga angut ang amo nga kuntador sang tubig.
Nagapanawagan siya sa mahimo makakilala sa sini nga persona nga mag report sa PNP para madakpan ang amo nga persona nga wala naga pang duha-duha magpangawat bisan sa atubang pa sang bata.