Grave threat kag slight physical injuries ang mga kaso nga ginpasaka batuk sa lalaki nga nanaya sang pusil kag nagkastigo sa isa ka lalaki sa may Rosario Street sa Bacolod sang nagligad nga semana.
Suno kay Bacolod City Police Office Director Police Col. Joeresty Coronica, sang Lunes nga adlaw ini tigayon nga napasaka.
Ang suspek ang gina siling kakilala sang duha ka mga pulis nga yara sa atubang nila sang ginkastigo niya ang biktima.
Dugang pa ni Coronica ang amo nga mga pulis ang sa karon naka assign na sa PNP Negros Island Region Headquarters.
Ang hepe naman sang police station 1 nga gin relieve man bangud sang command responsibility ang wala pa madesisyonan kun makabalik pa bilang pamuno sang Police Station 1.
Paandam ni Coronica sa iban nga pulis, okay lang mangamigo pero butangan sang limitasyon.