Tumalan-aw nga nanapungol sang performers sa Got Talent competition nangayo na sang pasaylo
Indi hungod ni Allan Fernandez nga madala siya sang emosyon samtang nagalantaw sang Got Talent competition sa Hacienda Carmen sa Barangay Granada sa Bacolod, sang Sabado sang gab-i.
Istorya nya nga wala niya mapunggan ang kaugalingon samtang ginalantaw ang acting performance sang senior high school student nga si Francisco Gregorio nga nagasakit sang kaupod niya nga actress nga si Jocelle Flores nga sadto nagapakuno-kuno nga OFW nga gina abuso sang amo.
Nagsaka sa stage si Fernandez kag ginsumbag si Gregorio, ugaling si Flores amo ang naigo sa likod sang iya nga tapungol.
Gani ang mga kaupod sang duha ka mga performers ang nagsinaka man kag ginpulihan si Fernandez.
Ginabaton ni Gregorio ang pagpangayo pasaylo ni Fernandez pero separado sila nga nagpa blotter sa Police Station 5 angut sa natabo nga insidente.
Ginapamensaran na nanday Gregorio nga ipaiway ang paglaragway sang kasubong mga eksena sa masunod nila nga pagpasakop sa talent competition.