Patay na sang masapwan sang otoridad kaina sang kaagahon sa Purok Riverside sa Barangay Banago ang 37 anyos nga si Mark Anthony Cubos.
Naka gapos ang mga kamot kag tiil ni Cubos, may igu sang bala sa ulo kag nagkalain lain nga bahin sa lawas, kag may gin butang pa nga placard may nakasulat nga interest pa lang ini sa sini nga bulan, kag may mga tinaga man nga El Vigilante kag Drug Lord Warriors.
Gani suno kay Major Richard Fajarito, pamuno sang Police Station 3, ila gina tan-aw nga may kaangtanan sa iligal nga droga ang pag patay kay Cubos.
Dugang pa ni Fajarito, si Cubos ang pilason man sa pag paniro sa nag ligad nga tuig.
Setyembre 18 sang nagligad nga tuig, sakay sa iya salakyan si Cubos sang siya ang ginpaarakan luthang sa atubang sang ekswelahan sa Villa Angela Subdivision sa Bacolod pero nakapalagyo pa ini kag naka pangayo sang bulig sa checkup point sa dalan Burgos.
Nadakop na sadto ang biktima suno sa pulis sa kaso nga violence against women and children.