Lalaki nga nakagapos ang mga kamot kag patay na ginwigit sa Bacolod-Silay Airport Access Road sa bahin sang Talisay City.
Nasapwan Biernes sang kaagahon ang bangkay sang isa ka lalaki nga naka gapos, nakatabon ang hitsura kag may igo sang bala sa ulo sa access road parte na sang Barangay Matab-ang sa Talisay City.
Sa imbestigasyon sang PNP, nakita sang motorsita ang bangkay sang biktima kag gilayon ini nag pangayo sang bulig sa pulis.
Duguon sang masapwan ang biktima nga may igo sang bala sa ulo. Padayon siya nga ginakilala sang PNP as of press time.
Gina bulubanta naga edad sa 20 tubtob 30 anyos ang biktima, kag may tattoo nga “Thea Gabriel” kag “Richzone Chloe” sa iya dughan.
Naga padayon pa ang imbestigasyon sang kapulisan.