Shadow

Lalaki nga nagtuyo mangawat sa isa ka balay nabugtawan sang tagbalay kag nabun-an, patay

Ginpulihan kastigo kag ginlabo ang 35 anyos nga si Ernesto Vallejo matapos mabugtawan sang mga tagbalay sa Taal Street sa Barangay Villamonte sa Bacolod nga nagapangabukay sa sulod sang ila nga balay mga pasado las kwatro kaina sang kaagahon.

Suno sa kay Major Jun Ray Batadlan, hepe sang Police Station 4, ang suspek ang gin kastigo sang duha ka mga kabataan kag sang ila amay nga si Quentin Limbaga.

Pero naka kuha ini sang kutsilyo kag nabuno ang amay sa iya sini nga kamut.

Naka kuha man sa katana ang amay kag ginbuno man sa suspek nga nangin kabangdanan sang iya kamatayon.

Sa pagpang usisa pa sang kapulisan, ginasuspetsuhan man sang pamilya limbaga nga ang suspek man nangawat sa ila tiangge sang nagliligad nga semana.

Nagdesisyon naman ang pamilya sang suspek nga indi magpasaka sang kaso angut sa natabo.

Sa karon nagapabilin nga gina bulong sa ospital ang amay nga Limbaga kag ang iya dise nuebe anyos nga anak nga nasamaran sa ulo sang ginlampusan sang biktima sang tubo.

Leave a Reply

Your email address will not be published. Required fields are marked *

Secured By miniOrangeSecured By miniOrange