Patay ang 45 anyos nga si Sunny Caballero matapos ini matiruhan sang Domingo sang iya ginpang atake ang mga tanod sa iya balay sa Barangay Dos Hermanas sa siyudad sang Talisay.
Sa imbestigasyon sang Talisay PNP, gin kadtuan si Caballero sang iya sini anay partner sa iya balay agud pangwaon ang iya mga gamit.
Apang suno sa pulis, siya ang gin pahog ni Caballero nga nag hana nga utdon ang iya ulo gamit ang sanggot.
Matapos ang pag pamahog gin sunog ni Caballero ang iya sini balay kag gilayon gin pang atake ang mga tanod gamit ang sanggot.
Pilason ang isa ka tanod suno sa pulis matapos ini maigu sa abaga kag ulo.
Gin agaw man sang isa pa ka tanod nga si Alan Dela Rosa ang sanggot ni Caballero pati na ang iya sini bitbit nga armas kag aksidente ini nag lupok suno sa pulis kag nag igu sa ulo ni Caballero.
Dead on arrival sa ospital si Caballero. Gin detain naman karon sa Talisay PNP ang barangay tanod.