Nasapwan kaina ang bangkay sang 22 anyos nga si Elvis Nunial matapos ini mag lumpat sa suba sang Martes sang gab-i sa Barangay Sag-Ang sa banwa sang La Castellana.
Mismo ang iya utod amo ang nakakita sa bangkay mga 200 metros gikan sa bahin sang suba kun sa diin siya nag lumpat.
Suno kay Police Captain Rhon Daryl Nigos, hepe sang La Castellana PNP, nag away si Nunial kag iya pamilya sang amo nga gabi gani siya ang nag dalagan kag nag lumpat sa suba. Wala siya gilayon na kita suno sa pulis bangud sang kakusog sang ulan kag kadulom sa lugar.
Kaina lang nakita ang iya sini bangkay matapos sang masobra isa ka adlaw na pag pangita.