Yara sa Barangay Tagukon Public Market sa Purok Paghidaet, Brgy. Tagukon sa Kabankalan City samtang nagahampang sang online games nga Scatter ang 32-anyos nga lalaki sang siya ang ginpalapitan sang tatlo ka mga persona kag ginbuno.
Ang biktima, isa ka construction worker kag residente sang nasambit nga barangay.
Gindala ang biktima sa Lorenzo Zayco District Hospital apang gindeklarar nga dead on arrival.
May angut sa droga ang ginalantaw nga motibo sang kapulisan bangud isa ka user sang drugs ang biktima base sa nag-gwa sa imbestigasyon.
Ginsiling ni Police Lt. Col. Roberto Indiape Jr., hepe sang Kabankalan PNP, napaslawan nga makabayad sang gin-utang nga mga drug items ang biktima.*