Patay ang isa tricycle driver matapos nga nabunguan sang truck ang iya ginamaneho nga tricycle sa national highway sakop sang Barangay III- Poblacion sa banwa sang Pontevedra, Domingo sang kaagahon.
Suno kay Police Major Romulo Gepilango, hepe sang Pontevedra PNP, ang truck padulong sa Bacolod samtang ang tricycle nga gina maneho ni Paterno Belleza ang padulong sa Sur nga direksyon.
Ang driver sang truck ginkilala kay Rex Quibrantar.
Suno sa pulis, hinali lang nag-counterflow ang truck kag ginbungguan ang tricycle kag may nabungguan pa gid nga fruit stand.
Ginhingagaw dala sa ospital si Belleza, apang gindeklarar siya nga dead on arrival.
Suno sa PNP, posible natulugan si Quibrantar samtang nagamaneho gani nabungguan ang tricycle nga yara sa pihak nga lane. Gin detain si Quibrantar sa Pontevedra PNP.