Nasapwan nga patay ang 37 anyos nga si Ely Marcellana kahapon sang aga sa kilid sang dalan sa Barangay Minapasok, banwa sang Calatrava. Ang biktima ang may igu sang bala sa guya.
Sa imbestigasyon sang PNP, ang biktima ang papuli na kun tani Miyerkules sang gab-i sang ini ang gintiro sang iya man lang mismo nga angkas.
Nagpalagyo man gilayon ang suspek sakay sang motor ni Marcellana. Nakuha sa crime scene ang duha ka bala sang 9mm caliber pistol.
Ginahibalo pa karon sang PNP kun sin-o ang may kahimuan sang krimen kag kun ano ang motibo sa pag patay sa biktima.