Nakibot ang mga residente sang isa ka subdivision sa Bacolod City sang ginpahibalo sila sang gwardiya kaina sang kaagahon nga may isa ka persona nga nag tuyo magtaklas sa pader sang ila nga subdivision.
Sang gin usisa ang amo nga persona iya man gin saysay nga may naga lagas sa iya nga tatlo ka mga persona.
Sa padayon nga pag usisa, iya gin ako nga naka tumar siya sang 30 ka tabletas sang paracetamol. Ini bangud sa nagalibog ang iya nga ulo kay nagdangat na sa masobra sa P100,000 ang iya nga utang bangud sang e-sabong.
Ginpatawgan siya sang pulis kag pag abot sang pulis, gin laygayan siya kag gintawgan ang iya nga pamilya para makuha siya.
Nag ayo ang source sang Digicast Negros nga indi lang paghingadlan ang persona kag ang subdivision kay indi niya tuyo nga pakahuy-an ang persona. Ang tuyo niya man lang nga mapahibalo ang publiko sang mahimo malain nga epekto sa isa ka persona kun madalman sa panahor.