Arestado ang high value individual nga si Ronan Jay Garcia sa ginpatigayon nga drug bust operation sang PNP sa Purok Ylac, Brgy. 1 siudad sang Bacolod, Biyernes sang kaagahon.
Suno sa kay Police Captain Joven Mogato ang pamuno sang City Drug Enforcement Unit – Bacolod City Police Office, mga duha man nila ka semana nga gin monitor ang subject matapos makabaton sang impormasyon nga naga duso ini sang iligal nga droga.
Dugang pa ni Mogato, ang suspek nakaagi naman preso sadto sa kaso nga frustrated murder kag nakaguwa sang 2017.
Nakuha sa suspek ang anum ka putos kag isa ka bulto sang shabu nga nagabug-at sang 75 grams kag gina banta nga nagabalor sang 510,000 pesos.
Yara karon sa kustodiya sang kapulisan si Garcia kag magapangatubang sang kaso nga paglapas sa RA 9165.