Nakaangkon sang mga labo sa ulo kag nagahigda na sa duta sa ugsaran sang ila balay ang 43-anyos nga biktima sa Purok Panacmalan, Barangay East sa banwa sang Candoni.
Magapamubod kuntani sang mga manok ang iya manghod sang nasapwan ang nagabarikutot nga lawas sang iya utod sang Lunes.
Ginsiling ni Lt. Gilbert Alunan, deputy chief sang Candoni PNP, wala sang may nabatian nga komosyon ang pamilya sang biktima, antes masapwan ang bangkay.
Isa sa mga anggulo nga ginalantaw sang kapulisan amo ang pagtimalos bangud may kaso sadto ang biktima nga pagpatay sang tuig 2022.
Ginalantaw man sang kapulisan ang personal nga dumot bilang isa man sa madamo pa nga anggulo nga ila gina usisa, sa pagpatay sa biktima.
Padayon pa ang imbestigasyon sang pulis agud mapat-ud kun ano ang motibo sa krimen kag makilala ang naghimo sini.