Patay ang isa ka gin-alegar lalaki nga may deperensya sa pamensaron matapos matiruhan sang security guard sa Kabankalan New Public Market sa Barangay 1, Kabankalan City, Lunes sang hapon.
Makita sa video nga kuha ni Fabrica Vines nga ang biktima nga ginkilala kay alyas “Alim”, 32-anyos, ang naka bangon pa kag nakapungko sa dalan matapos nga matiruhan.
Ang suspek naman nga security guard nga ginkilala kay alias “Joevan” ang naga pabalik-balik lakat samtang gina tabiran sang isa pa gid ka security guard.Bitbit pa sang suspek ang iya nga pusil.
Gintipunan sila sang mga tawo sa gwa sang merkado.
Ginsiling ni Police Lt. Nolly Gudaca, deputy chief sang Kabankalan PNP, ginpatay ni alyas “Alim” ang switch sang kuryente sa merkado rason nga ginsaway siya sang security guard.
Nagbato si alyas “Alim” sa security guard kag nagluntad ang komosyon sa tunga nila, tubtob nga nag-gabot sang service firearm ang security guard kay gintiro ang biktima sang makapila ka beses.
Gindala ang biktima sa Lorenzo Zayco District Hospital apang napatay ini.
Suno kay Gudaca, kaso nga murder ukon homicide ang ipasaka batuk sa security guard, nga karon detained sa Kabankalan PNP.*
[sibwp_form id=1]