Sang Lunes nag report sa Bago PNP ang isa ka complainant matapos ginkawat ang iya 28 days old nga idik gikan sa iya balay sa Barangay Maao sa Bago City.
Gin-usisa sang PNP bangud sa may nakakita sa suspek nga si Jan Namar nga nag sulod sang idik sa sako.
Ila gin subay kag natukiban nga ang idik ang yara sa balay sang iya sini nobya sa Barangay Tangub sa Bacolod.
Didto na recover ang idik. Suno sa Bago PNP, itigana kuno tani sang suspek ang idik sa natalana nila sini nga kasal sang iya nobya sa Enero.
Apang bangud sa kinawatan, wala na namian ang iloy sang iya nga nobya, iya istoryahon ang iya anak kun bala luyag pa sini paksalan ang nobyo nga nangawat sang idik.
Kaso nga theft ang ipasaka man batuk kay Namar.