Nakilala na ang lalaki nga napatay sa pagpaniro sa sa Purok Sigay, Brgy. 2 siudad sang Bacolod sang Miyerkules.
Ang biktima ginkilala sa kay Nestor Gracilla Jr., 32-anyos kag residente sang Brgy. Cabatangan, Talisay City.
Temporaryo siya nga nahilway sa kaso nga pagpangawat.
Suno sa kay Police Major Eugene Tolentino ang Station Commander sang Bacolod City Police Station 2, nagkadto sa ila talatapan ang iloy sang biktima kag nagkumpirma nga iya bata si Nestor.
Dugang pa sang pulis, base sa panaysayon sang iloy wala man kuno sang kaangtanan sa iligal nga droga ang iya anak.
Pero ang ini nga impormasyon ang usisaon pa sang PNP.
Padayon naman ang imbestigasyon sang PNP para makilala ang nagpatay sa iya.
Sa karon nagapadayon pa ang pagtumod sang kapulisan sa pagkilala sang suspek kag ila nga ginalantaw nga may kaangtanan sa iligal nga droga ang motibo sa krimen.