Bangkay na sang makit-an si Alberto Balansag sa katubohan sa Sitio Kabangahan, Barangay Mandu-ao, Bayawan City, Negros Oriental sang Lunes.
Una nga gin-report nga missing sang iya misis ang biktima matapos pwersa nga ginsakay sa isa ka awto sa Cauayan sa Negros Occidental sadtong March 18, 2025.
Nagpanawagan pa siya sa social media matapos ang insidente.
Apat ka mga lalaki ang nagpuli sa biktima para masakay sa blue nga awto sa atubang mismo sang iya pamilya samtang naga bantay sila sang Ceres Bus.
Taga Barangay Talacdan sa banwa sang Cauayan ang biktima.
Matapos ang insidente wala na siya nila makita pa kag kahapon, Lunes, nasapwan na lang ang iya nga bangkay.
Gina usisa pa sang Bayawan PNP kun paano nakalab-ot sa area ang biktima kag sanday sino ang nagkarga sa iya sa salakyan.