Nabunggo-an sang truck Jimmy Tejas, 63 anyos samtang naga maneho sang iya motorsiklo sa JY Perez Highway Brgy. Talubangi siudad sang Kabankalan las 6:40 kagab-i.
Ang biktima taga Brgy. 1, banwa sang Ilog. Samtang ang driver sang truck ginkilala kay Ariene Asna, 39 anyos.
Suno sa pulis gikan sa Kabankalan si Tejas kag siya ang maga padulong sa banwa sang Ilog. Sang nag overtake sa salakyan sa atubang niya nadulaan siya sang kontrol sa motorsiklo kag wala niya ginapaabot ang naga padulong nga truck nga amo ang naka bunggo sa iya.
Gindala ang duha ka mga drayber sa Lorenzo D Zayco District Hospital apang gin deklarar nga Dead on Arrival si Tejas.
Ginahulat pa sa karon kung maga pasaka sang kaso ang pamilya sang biktima batuk sa driver sang truck.