Patay ang 48 anyos nga si Benjur Libre, Sr. sa natabo nga pagpaniro sa Barangay Lo-ok, banwa sang Calatrava Martes sang hapon.
Suno kay Police Major Ronald Santillan, hepe sang Calatrava PNP, sang Biyernes gid lamang nga adlaw, Pebrero 2 sang nakagwa sa presohan si Libre matapos nagpiyansa sa iya kaso nga frustrated murder tungod nangin suspetsado man sa kaso sang pagpaniro sadtong bulan sang Enero.
Nag gwa na man sa imbestigasyon sang PNP nga maga park lang kuntani sang iya motor ang biktima sang hinali na lang nga ginpalapitan sang suspetsado kag gintiro.
Isa lamang ka lupok sang pusil ang nabatian sang mga saksi kag nakita ang gunman nga naga angkas sa motorsiklo nga nagpalagyo.
Gina usisa sang PNP kun may kahilabtanan sa iya kaso ang pagpatay sa biktima.